Տեղադրվել է` 2013-03-21 00:20:21 (GMT +04:00)

Ընթերցված է` 2408, Տպվել է` 90, Ուղարկվել է էլ.փոստով` 94

«ԵՎՐՈՏԵՍԻԼՈՒՄ» ՎՐԱՍՏԱՆԻ ՆԵՐԿԱՅԱՑՈՒՑԻՉՆԵՐԻՆ ԴՈՒՐ Է ԵԿԵԼ ԳՈՌ ՍՈՒՋՅԱՆԻ ՁԱՅՆԸ

ՄԱՆԱՆԱ ՀՈՎԱԿԻՄՅԱՆ

«Եվրոտեսիլ» երգ մրցույթին այս տարի Վրաստանը կներկայացնեն Սոֆո Գելովանին եւ Նոդիկո Թաթիշվիլին: Նրանք ընդհանրապես ներկայանում են որպես անհատ կատարողներ, սակայն մրցույթը միավորել է նրանց:

Վրաստանի ներկայացուցիչների «Waterfall» երգի բառերի հեղինակը շվեդ կոմպոզիտոր Թոմաս Ջեյ Սոնն է, որը շուրջ 65 երգ է գրել «Եվրոտեսիլ» երգի մրցույթի մասնակիցների համար:

«Ազգը» զրուցեց Վրաստանի ներկայացուցիչների հետ:

- Ինչպե՞ս են տեղի ունենում նախապատրաստական աշխատանքները:

Սոֆո Գելովանի - Վրաստանի ամենահայտի ռեժիսորներից Թեմա Կուկելին նկարահանեց մեր տեսահոլովակը: Անդրադառնալով երգին, նշեմ, որ այն կոչվում է «Waterfall»: Երգի հեղինակը Թոմաս Սոնն է, որի գրած երգը նախորդ տարի հաղթել է «Եվրոտեսիլում»: «Waterfall» երգը մեր հոգուց է հնչում, որը նաեւ լի է դրական էներգիայով:

Նոդիկո Թաթիշվիլի - Ամենակարեւորն այս ամենից բավարարվածություն ստանալն է: Մենք ամեն ինչ կանենք, որպեսզի մրցույթի ժամանակ բեմում ջերմ մթնոլորտ տիրի:

- Ի՞նչ կտա «Եվրոտեսիլը» Ձեզ:

Սոֆո Գելովանի - Մեծ պատասխանատվություն է մեզ համար ներկայացնել Վրաստանը «Եվրոտեսիլին»: Մենք առաջին անգամ չենք մասնակցում միջազգային մրցույթի, սա նորություն չէ մեզ համար, սակայն «Եվրոտեսիլն» իր լսարանի մեծությամբ առանձնանում է: Ամեն ինչ կանենք, որպեսզի մեր երկիրը հպարտանա մեզնով:

- Ձեր կարծիքը «Եվրոտեսլին» հայաստանը ներկայացնող «Դորիանս» խմբի, մասնավորապես` Գոռ Սուջյանի մասին:

Սոֆո Գելովանի - Հիանալի խումբ է, Գոռն ունի հիանալի ձայնային տվյալներ: Հաջողություն եմ մաղթում Ձեզ:

Նոդիկո Թաթիշվիլի - Երբ առաջին անգամ Գոռին լսեցի ԲԻ ԲԻ ՍԻ-ով, միանգամից ասացի, որ շատ լավ երգիչ է: Իսկ այն երգը, որով ներկայանալու է խումբը, ինձ շատ է դուր եկել:

Նշենք, որ Սոֆո Գելովանին երգել է «Ներգեբի» անսամբլում, ինչպես նաեւ հաղթել է Հայաստանում տեղի ունեցած միջազգային երգի մրցությում: Իսկ Սանկտ Պետերբուրգում տեղի ունեցած «Путь к звездам» մրցույթում արժանացել է գրան պրիի եւ հաղթել է` «Всемирную романсиаду», «Весна романса» մրցույթներում:

Իսկ Նոդիկո Թաթիշվիլին ավարտել է Թբիլիսիի երաժշտական դպրոցը, սովորել է նաեւ Լոնդոնում: Առաջին տեղ է գրավել մի շարք միջազգային մրցույթներում, ինչպիսին է օրինակ «Geostar»-ը: