ՄԻՋՈՑԱՌՈՒՄՆԵՐԻ ՇԱՐՔՙ ՆՎԻՐՎԱԾ ԵՂԵՌՆԻ 100-ԱՄՅԱԿԻՆ Հ. Ծ. Անգլիայում գործունեություն ծավալող «Կոմիտաս ինստիտուտի» եւ Լոնդոնի համալսարանի «Հայաստանի բարեկամներ» ընկերությունը Մեծ եղեռնի 100-ամյա տարելիցին ընդառաջ կազմակերպել են միջոցառումների շարք, առաջինը կայացել է ապրիլի 16-ին: Ըստ ստացված հաղորդագրությանՙ այդ օրը ներկայացվել է ռեժիսոր Սյուզան Խարդալյանի «Տատիկիս դաջվածքները» ֆիլմը: Առաջիկայում սպասվում են հետեւյալ միջոցառումները: Մայիսի 9-ին Լոնդոնի համալսարանի «Բրունեյ Գալերի» մասնաշենքում տեղի կունենա «Հիշողությունների մեջ մոլորված» ընդհանուր խորագրով Ուտրեխտ համալսարանի պատմության ամբիոնի պրոֆեսորի օգնական դոկտ. Ուղուր Ումիտ Ունգուրի բանախոսությունը: Իսկ հունիսի 4-ինՙ «Ասորիները, քրդերն ու թուրքերը: Ողբերգություն հայերի ցեղասպանության կուլիսներում» խորագրով Սոդերտորն համալսարանի պրոֆեսոր դոկտ. Դեյվիդ Գոնտի բանախոսությունը: «Կոմիտաս ինստիտուտում» գործող Հայկական ուսումնասիրությունների ծրագիրը հովանավորում է Գալուստ Գյուլբենկյան հիմնարկությունը: | 
