Տեղադրվել է` 2013-05-06 23:15:06 (GMT +04:00)

Ընթերցված է` 1802, Տպվել է` 64, Ուղարկվել է էլ.փոստով` 62

ՀԲԸ ՄԻՈՒԹՅԱՆ ՊԼՈՎԴԻՎԻ ԵՐԻՏԱՍԱՐԴ ԱՐՀԵՍՏԱՎԱՐԺՆԵՐԸՙ Ի ՆՊԱՍՏ ՀԱՅԱՍՏԱՆԻ

Հ. Ծ.

Իր հիմնադրման 103-րդ տարեդարձի շրջանակներում ՀԲԸ միության Պլովդիվի մասնաճյուղը «Երեխաներն ու երիտասարդները մեր ապագան են» նշանաբանի ներքո կազմակերպել էր մի բարեգործական գալա-համերգ, որի ընթացքում հինգ հազար դոլար է հավաքվել, տեղեկացնում է ՀԲԸՄ-ի մամլո գրասենյակից ստացված հաղորդագրությունը: Գումարը ծախսվելու է Հայաստանում ՀԲԸՄ-ի ամառային ծրագրերին բուլղարահայ երեխաների մասնակցությունը ապահովելու նպատակով:

Պլովդիվի երիտասարդ արհեստավարժները մեծ դերակատարություն են ունեցել գալա-համերգի հաջող անցկացման գործում: Ծրագրին մասնակցել են ՀԲԸՄ-ի «Էրեբունի» վոկալ եւ գործիքային խումբը, «Նաիրի» հայկական պարի եւ «Ռաչենիցա» բուլղարական պարի համույթները: Երեկոյի նշանակալի երեւույթը եղել է «Երեխաներիցՙ երեխաների համար» նշանաբանի ներքո անցկացված աճուրդը Հայաստանից Բուլղարիա տարված իրերի:

Կազմակերպիչները վստահեցրել են, որ հետագայում նման միջոցառումներ եւս կանցկացվենՙ խթանելու կապը մայր հայրենիքի հետ: