ՈՒՂԵԳԻՐ ՆՎԱՃԵԼ ՉՀԱՋՈՂՎԵՑ Բրազիլիայում ավարտվեց շախմատի աշխարհի առաջնության փնջային մրցաշարը, որի 2 ուղեգրերն էին վիճարկում 84 շախմատիստներ: Ցավոք Գրիգոր-Սեւակ Մխիթարյանին չհաջողվեց ուղեգիր նվաճել: Նա 9 հնարավորից վաստակած 6,5 միավորով զբաղեցրեց 4-րդ տեղը: Ավարտական տուրում բրազիլահայ շախմատիստը հաշտություն կնքեց Դեյվ Սիգուենասի հետ: 19-ամյա բրազիլահայ Արմեն Բրուտյանը 6,5 միավորով գրավեց 9-րդ տեղըՙ լրացնելով ՖԻԴԵ-ի վարպետի նորմա: Նա վերջին տուրում հաղթեց Դեյսի Կորին: Խաղարկվող 2 ուղեգրերին տիրեցին Բրազիլիայի ներկայացուցիչներ Ռաֆայել Լեյթաոն եւ Ալեքսանդր Ֆիեռը, որոնք վաստակեցին 7,5 միավոր: Լրացուցիչ գործակիցներով հաղթող ճանաչվեց Լեյթաոն: | 
