Տեղադրվել է` 2013-05-06 23:15:06 (GMT +04:00)

Ընթերցված է` 1381, Տպվել է` 87, Ուղարկվել է էլ.փոստով` 41

ՀՐԱԺԵՇՏԻ ԽՕՍՔԵՐ

ԱԼԻՍԻԱ ԿԻՐԱԿՈՍԵԱՆ, Լոս Անջելես

Ապրիլ 11-էն ի վեր բան մը պակաս է աշխարհի բազկերակէն, յատկապէսՙ հայ ժողովուրդի սրտէն.

ԱՐԱՄԱՅԻՍ ՄԻՐԶԱԽԱՆՅԱՆ

Այս կորուստը մեր շօշափելի աշխարհէնՙ պարապութեան անկիւն մը կը ստեղծէ բոլոր անոնց համար, որոնք իսկապէս կը ճանչնային զինք:

Ո՞ւր եւ ինչպէ՞ս գտնել նորէն այսպիսի իդիալիստ մը, այսպիսի խղճամիտ մտածող մը, այսպիսի մտաւորական մըՙ ապականած դարու մը մէջ, ուր կը կառավարէ անտարբերութիւնը դէպի հոգեկան արժէքները, էգոիզմը, անխղճամտութիւնը եւ աղաւաղումը:

Իրմէ առաջՙ ան մտահոգ էր իր ժողովուրդի համար. իր սիրտը կը տրոփէր այդ ժողովուրդի համար եւ իր ամենախորունկ կսկիծն էր անոր տառապանքը:

Սիրելի Արամայիս, գանձատուփիս մէջ պահելու եմ մեր երկար զրոյցները, լի մտահոգութեամբ մարդկութեան համար, լի իմաստով ու խորութեամբ:

Եւ քանի որ չեմ հաւատար մահուան, մանաւանդ անոնց համար, որոնք իրենց արահետները դրոշմած են հողագունդի վրայ, կը զգամ, որ գիտակից ես բոլորիս արցունքներունՙ քու բացակայութեանդ համար: Անոնք ոչ միայն կը թափուին մեր աչքերէն, այլ նաեւ մեր սրտերէն ու հոգիներէն:

Ցաւակցութիւններս աննման կեանքի ընկերոջդՙ Ջոգոնտային ու քաղցր աղջկանդՙ Մանուշին:

Քեզՙ ցտեսութիւն, սիրելիս, մինչեւ այն ժամանակ, երբ նորէն հանդիպինք, ուրիշ ժամանակի, ուրիշ տարածութեան մէջ:

Առայժմՙ ստացի՛ր աշխարհի բոլոր ծաղիկները իբրեւ յիշատակիդ դափնեպսակ:

Սէր, ընդմիշտ...