30 ՄԼՆ ԴՈԼԱՐ ԷՆԵՐԳԵՏԻԿ ՆՈՐ ԾՐԱԳՐԻՆ Ա. Մ. Հայաստանի Հանրապետության ու Վերակառուցման եւ զարգացման միջազգային բանկի միջեւ 2016 թվականի մայիսի 12-ին ստորագրված վարկային համաձայնագրով նախատեսվում է Հայաստանին տրամադրել 30 մլն դոլարի վարկ: Երեկ կառավարության հավանությանն արժանացած ծրագրի նպատակն է բարելավել էլեկտրաէներգիա արտադրող պետական ընկերությունների եւ էլեկտրաէներգիայի բաշխիչ մասնավոր ընկերության ֆինանսական վիճակը: Վարկի մարման ժամկետը 25 տարի է, որից 14,5 տարինՙ արտոնյալ, մայր գումարի մարման եղանակ` հավասար կիսամյակային վճարումներ` կապակցված վարկի ողջ գումարի հետ, տոկոսադրույքըՙ լողացողՙ 6-ամսյա Libor+ լողացող սպրեդ, պարտավորության վճար` 0,25 տոկոս, հաշվարկվում է վարկի չօգտագործված գումարի նկատմամբ: |
