ԱՄԵՐԻԿԱՀԱՅԵՐԸ ՍՊԻՏԱԿ ՏՆԻՑ ՊԱՀԱՆՋՈՒՄ ԵՆ ՎԵՐԱՀԱՍՏԱՏՈՒՄ Հ. Ծ. «Թող ձեր ձայնը լսվի» կոչով ապրիլի 21-ին ամերիկահայերը «Հայ երիտասարդների դաշնության «Անի» մասնաճյուղի» կազմակերպությամբ խաղաղ երթ են կազմակերպել դեպի «Կապիտոլ Հիլ»ՙ պահանջելով Մ. Նահանգների կառավարությունից եւ նախագահից ճանաչել հայերի ցեղասպանությունը: «Նախագահ Օբաման կարեւոր դեր կարող է խաղալ Թուրքիայի վրա ճնշում բանեցնելու գործում, որպեսզի վերջինս առերեսվի իր պատմության մութ էջերի հետ: Այլապես Թուրքիան կշարունակի իր ժխտման քաղաքականությունը եւ Ամերիկան էլ մեղսակից կհամարվի այդ ժխտման գործում», ասել է այդ առթիվ «Անի» մասնաճյուղի նախագահուհի Նարինե Աբրահամյանը: Միջոցառումը, որին մասնակցել են նաեւ այլ ամերիկահայ կազմակերպություններ, մաս է կազմել ուրիշ առավել խոշոր ձեռնարկումների: | 
