ՀԱՅԱՍՏԱՆԸ ԿՆԵՐԿԱՅԱՑՆԻ ԿԱՐԵՆ ՀԱՅՐԱՊԵՏՅԱՆԸ Հայաստանում առաջին անգամ անցկացվեց բակային բասկետբոլիՙ սթրիթբոլի պաշտոնական նախընտրական փուլը: Հյուսիսային պողոտայում տեղադրվել էին բասկետբոլի 2 վահանակներ եւ յուրաքանչյուրի մոտ միմյանց հետ մրցավեճի էին բռնվել 2-ական բասկետբոլիստներ: Օլիմպիական մրցակարգով անցկացված այդ մրցաշարում պետք է որոշվեր հաղթողը, որն իրավունք էր ստանալու Հայաստանը ներկայացնելու սեպտեմբերի 28-ին ԱՄՆ-ի Սան Ֆրանցիսկո նահանգի նախկին Ալկատրաս բանտի բակում կայանալիք եզրափակիչ մրցումներում: Սթրիթբոլը մեծ հետաքրքրություն էր առաջացրել մասնակիցների շրջանում: Տարբեր տարիքի եւ սեռի 64 մասնակիցներ փորձեցին իրենց ուժերը: Բոլորից հաջողակ գտնվեցին Կարեն Հայրապետյանն ու Անդրանիկ Նովենց-Աղաջանյանը, որոնք հաղթահարելով նախնական փուլի արգելքները, մտան եզրափակիչ: Վճռորոշ խաղում հաջողությունն ուղեկցեց 26-ամյա Կարեն Հայրապետյանին, որը նախկինում զբաղվել է բասկետբոլով: Նա էլ կմեկնի ԱՄՆ եւ կպայքարի գլխավոր մրցանակիՙ 20 հազար դոլարի համար: | 
