ԻՇԽԱՆ ԶԱՔԱՐՅԱՆԸ ԿՐԿԻՆ ՎԵՐԱՀՍԿԻՉ ՊԱԼԱՏԻ ՆԱԽԱԳԱՀ ԿԼԻՆԻ Մ. Խ. Նախագահ Սարգսյանը Ազգային ժողով պաշտոնական գրություն է ուղարկել, որ վերհաստատում է Վերահսկիչ պալատի նախագահի պաշտոնում Իշխան Զաքարյանի թեկնածությունը: Այսպիսով` ավարտվեցին մամուլի այն տվայտանքները, որոնցով ՎՊ նախագահ էին մեկ նշանակում պատգամավոր Լեւոն Մարտիրոսյանին, մեկ ՎՊ խորհրդի այս ու այն անդամին: Այդքան սպիտակ թուղթ փաստորեն իզուր փչացավ, հետն էլ Ի. Զաքարյանին դեպրեսիայի մեջ գցելով: Բայց հիմա այդ բոլորին վերջ` նոյեմբերի 5-ին լրացել էր Ի. Զաքարյանի պաշտոնավարման ժամկետը, իսկ ընդամենը մեկ օր անց նախագահ Սարգսյանը կրկին նրա թեկնածությունը պնդեց: Այսօր Ի. Զաքարյանը հանդիպում է ԱԺ խմբակցությունների հետ, իսկ արդեն նոր քառօրյայում նրա թեկնածությունը կքննարկվի եւ կքվեարկվի: |
