ՀԵՂԻՆԵ ԲԻՇԱՐՅԱՆԻ «ԱԽՊԵՐՆԵՐԸ» ՀՈՎԻԿ ԱՖՅԱՆ Պատասխանելով ԱԺ ընդդիմադիր պատգամավոր Նիկոլ Փաշինյանի մեղադրանքներին, թե Սամվել Ալեքսանյանը ոչ թե շաքարի հումք է ներմուծում, այլՙ պատրաստի շաքարավազ, Սամվել Ալեքսանյանն ասել է. «Նիկոլը մեր ախպերն ա, թող չճղա իրան, ինքն ուզում է ցույց տա, որ տենց չի, բայց ինքը մեր հետա, մեր ախպերն ա»: Հիշեցնենք, որ մոտ անցյալում Սամվել Ալեքսանյանը հայտարարել էր, որ ինքը ՕԵԿ խմբակցության ղեկավար Հեղինե Բիշարյանի «ախպեր»-ն է, հիմա, փաստորեն ստացվում է, որ Հեղինե Բիշարյանը, բացի Ալեքսանյանից, էլի «ախպեր» ունի: Բայց դա կարեւոր չէ, կարեւորն այն է, որ Փաշինյանը արձագանքել է այս հնդկական կինոյինՙ ասելով. «Հիմա ես նրանց ախպերն եմ, հետո կդառնամ մեծ ախպերը, հետոՙ թագավոր ախպերը»: Փաստորեն դեմ չէ, այսինքն կա մի բան, ինչին Նիկոլ Փաշինյանը դեմ չէՙ «ախպերությանը»: Իսկ, թե այս պատմության մեջ ո՞վ է կատակում, մենք չգիտենք: |
