ԹԵԺ ԳԻԾՙ ԱՆՎՏԱՆԳ ՍՆՆԴԻ ԱՊԱՀՈՎՄԱՆ ՀԱՄԱՐ Ի. Պ. Մարդու իրավունքների պաշտպան Կարեն Անդրեասյանը հաղորդագրությամբ դիմում է Հայաստանի քաղաքացիներին` նշելով. «Անվտանգ սննդի ապահովման խնդիրը պետական մարմինների պարտականությունն է, սակայն այս գործում կարեւոր դեր ունի յուրաքանչյուրը»: Հետեւաբար անհրաժեշտ է զանգահարել 43-40-40 թեժ գծով, եթե հանդիպել եք սննդի անվտանգության կանոնների խախտման հետեւյալ դեպքերին` հայտնաբերել եք ժամկետանց, առանց մակնշման սննդամթերք, կամ եթե փաթեթների վրա առկա մակնշումներն անընթեռնելի են, նաեւ այն դեպքերում, երբ առեւտրի կետում սննդամթերքն ու ոչ պարենային ապրանքները վաճառվում են միասին նույն բաժնում եւ վաճառատեղում նորմալ չեն սանիտարահիգիենիկ պայմանները: |
