ԻՈՀԱՆ ՄԵՅԵՆԴՈՐՖ. «ՆԵՐԱԾՈՒԹՅՈՒՆ ՀԱՅՐԱԽՈՍԱԿԱՆ ԱՍՏՎԱԾԱԲԱՆՈՒԹՅԱՆ» Գարեգին Բ Ամենայն հայոց կաթողիկոսի օրհնությամբ Մայր աթոռ Սուրբ Էջմիածնի հրատարակչական բաժինը լույս է ընծայել 20-րդ դարի Ռուս ուղղափառ եկեղեցու ականավոր աստվածաբան Իոհան ավագերեց Մեյենդորֆի «Ներածություն հայրախոսական աստվածաբանության» աշխատությունը: Գրքի շարադրանքի հիմքը հեղինակի դասախոսություններն են` սղագրված իր իսկ ուսանողների կողմից` «Հայրաբանություն» առարկայի շրջանակներում, որն ընդգրկում է Առաքելական հայրերից մինչեւ Նիկողայոս Կավասիլայի (ԺԴ դար) ժամանակներն ընկած շրջանը: Նյութը, որը նախատեսված է Հոգեւոր ճեմարանների, ԵՊՀ Աստվածաբանության ֆակուլտետի ուսանողների եւ ընթերցողների լայն շրջանակների համար, հարուստ է ոչ միայն Եկեղեցու հայրերի ու վարդապետների մասին պատմող ներածական մասով, այլ նաեւ բնագիր մեջբերումներով: Իոհան ավագերեց Մեյենդորֆի «Ներածություն հայրախոսական աստվածաբանության» գիրքը հրատարակվել է թարգմանությամբ Թ. Խաչատրյանի ու Ք. Քյուրքչյանի: Աշխատությունը տպագրվել է մեկենասությամբ Մայր աթոռի բարերար Գաբրիել Չեմբերճյանի: | 
