ԲՐԻՏԱՆԱՑԻ ՆՈՐ ԴԵՍՊԱՆԸ Հ. Ա. Հայաստանում Մեծ Բրիտանիայի եւ Հյուսիսային Իռլանդիայի Միացյալ թագավորության դեսպան է նշանակվել Ջուդիթ Ֆարնուորթը, ով այդ պաշտոնում գործող դեսպան Քեթրին Լիչին կփոխարինի այս տարվա սեպտեմբերից: «Արմենպրես»-ին հայտնի է դարձել նոր դեսպանի արձագանքը` իր Հայաստանում դեսպան նշանակվելու կապակցությամբ: Մասնավորաբար, տիկին Ֆարնուորթը ասել է. «Ես շատ ուրախ եմ ՀՀ-ում Միացյալ թագավորության դեսպան նշանակվելու կապակցությամբ: Մեծ առավելություն է ծառայել մի երկրում, որն ունի այսքան հարուստ պատմություն եւ մշակույթ»: Տիկին դեսպանը նաեւ ընդգծել է, որ աշխատելու է երկու երկրների միջեւ երկկողմ հարաբերությունների հետագա ամրապնդման համար: Նշենք նաեւ, որ Ջուդիթ Ֆարնոութը հետխորհրդային եւ կենտրոնական Եվրոպայի երկրների մասնագետ է: Այս պահին նա Միացյալ թագավորության գործող դեսպանն է Ղրղզստանում: Նախկինում դիվանագիտական պաշտոններ է զբաղեցրել Ուկրաինայում, Չեխիայում, Լատվիայում: Հույս ունենք, որ հայաստանյան դիվանագիտական ծառայության ավարտին տիկին դեսպանն իր հրաժեշտի ուղերձում կշեշտի, որ Հայաստանը հարուստ երկիր է` ոչ միայն պատմությամբ եւ մշակույթով: | 
