ՆԱՄԱԿ ԱՐՑԱԽԻՑ Անվանի գիտնական, հայկական էներգետիկական ակադեմիայի հիմնադիր նախագահ, «Ազգ»-ի թղթակից Ստեփան ՊԱՊԻԿՅԱՆԻ «Արցախի Էներգետիկան» գիտական մենագրության վերաբերյալ բարձր կարծիք են արտայտել Արցախի Հանրապետության էներգետիկայի ոլորտի պատասխանատունները: «Արցախի էներգետիկան» գրքում խորը ուսումնասիրությունների արդյունքում ներկայացված են ինչպես էներգետիկայի տարբեր ճյուղերի ստեղծման ու զարգացման պատմությունը, այնպես էլ առաջարկություններ ներկա իրավիճակից ելնելով դրանց հետագա զարգացման համար: Մեզ համար առանձնապես հետաքրքիր ու կարեւոր է էլեկտրաէներգետիկայի վերաբերյալ հեղինակի ներկայացրած ուսումնասիրություններն ու եզրակացությունները: Գրքում փաստորեն առանձին ներկայացված է «Արցախ ՀԷԿ» ԲԲԸ-ի վերաբերյալՙ ստեղծման օրվանից մինչեւ օրս ուսումնասիրություններ, վերլուծություններ, տեղեկատվական տվյալներ, որոնք մեր կարծիքով մեծ հետաքրքրություն կառաջացնեն հանրության լայն շերտերի մոտ: Ստեփան Պապիկյանի «Արցախի էներգետիկան» գիրքն իր ուրույն տեղը կզբաղեցնի Արցախի էներգետիկայի զարգացման ասպարեզում, ինչպես նաեւ գիտական նյութ կհանդիսանա բարձրագույն ուսումնական հաստատություններում ապագա մասնագետների ուսուցման գործում,- գրում է «Արցախ ՀԷԿ» ԲԲԸ գլխավոր տնօրեն Վ. Բեգլարյանը : Խմբագրության կողմից: Ուրախալի է Արցախի էներգետիկայի ոլորտի պատասխանատուներից ստանալ նմանատիպ կարծիք: «Ազգ»-ի ուշադրության կենտրոնում միշտ եղել եւ կմնան էներգետիկ հիմնահարցերը, նաեւ այն պատճառով, որ դրանք պատշաճ մակարդակով ներկայացնում է ճանաչված գիտնական Ստեփան Պապիկյանը : | 
