«ԹՈՒՐՔԱԿԱՆ ՀԱՆՐԱՅԻՆԸ ԹՈՂ ՀԱԿԱՔԱՐՈԶՉՈՒԹՅԱՄԲ ԱՐՁԱԳԱՆՔԻ ՑԵՂԱՍՊԱՆՈՒԹՅԱՆ ՏԱՐԵԼԻՑԻՆ» Հ. Չ. Այդ մասին, ինչպես նշել է Timeturk-ը, մարտի 5-ին թուրքական խորհրդարանում հայտարարել է «գորշ գայլերի» քաղաքական կազմակերպությանՙ Ազգայնական շարժում կուսակցության պատգամավոր Ֆարուք Բալը: Ըստ թուրքական աղբյուրի, պատգամավորն ասել է, որ թուրքական հանրային հեռուստատեսությունը գործում է ժողովրդից գանձված հարկերով, հետեւաբար հանրօգուտ աշխատանքներ պետք է կատարի եւ այս աշխատանքների շրջանակում հեռարձակի Հայոց ցեղասպանության 100-րդ տարելիցի միջոցառումներին ուղղված հաղորդումներ: Նրան ի պատասխան, քրդամետ «Խաղաղություն եւ ժողովրդավարություն» կուսակցության պատգմավոր Սուրեյա Օնդերն ասել է, որ այս հեռուստատեսությունը թեեւ գործում է ժողովրդից գանձվող հարկերի հաշվին, սակայն ժողովրդի հոգսերը ներկայացնելու փոխարեն մշտապես դառնում է իշխանության գործիք, ուստի եւ պետք է փակվի: |
