Տեղադրվել է` 2013-04-17 23:43:55 (GMT +04:00)

Ընթերցված է` 1197, Տպվել է` 82, Ուղարկվել է էլ.փոստով` 52

ՌՈՒՍԱՍՏԱՆԻ ՀԱՅԵՐԻ ՄԻՈՒԹՅՈՒՆԸ ՍԱՏԱՐՈՒՄ Է ՏԱՐՈՆ ՄԱՐԳԱՐՅԱՆԻՆ

ԱՐԱ ԱԲՐԱՀԱՄՅԱՆ

Այս մասին հավաստիացնում է Ռուսաստանի հայերի միության եւ Համաշխարհային հայկական կոնգրեսի նախագահ, ՅՈՒՆԵՍԿՕ-ի Բարի կամքի դեսպան Արա Աբրահամյանը, որի նամակից ստորեւ ներկայացնում ենք լայն հատվածներ:

Հարգելի Տարոն Մարգարյան

«Ռուսաստանի հայերի միության» եւ անձամբ իմ անունից ողջունում եմ Ձեզ` որպես Հայաստանի մայրաքաղաք Երեւանի նվիրյալ առաջնորդի:

Ողջ հայության մայրաքաղաքի` Երեւանի խնդիրները հետաքրքրում են ոչ միայն մայրաքաղաքի բնակիչներին, այլեւ նրա սահմաններից դուրս ապրող բոլոր հայերին:

Այդ պատճառով է, որ մայիսի 5-ին կայանալիք ավագանու ընտրությունները կարեւոր դեր են խաղալու ոչ միայն երեւանցիների, այլեւ միլիոնավոր հայերի հասարակաքաղաքական կյանքում:

Մենք քաջատեղյակ ենք Երեւանի քաղաքապետի պաշտոնում Ձեր ակտիվ եւ արդյունավետ գործունեությանը: Նկատելիորեն բարելավվել է քաղաքի արտաքին տեսքը, կատարելագործվում են ենթակառուցվածքները, բարեկարգվում փողոցները, այգիներն ու այլ հասարակական վայրերը:

Ձեր ղեկավարությամբ Երեւանում ձեւավորվում է առավել գրավիչ ներդրումային միջավայր: Ռուսաստանում բնակվող մեր հայրենակիցներից շատերը նախաձեռնական գործունեությունը հենց Երեւանում են ծավալում:

Համոզված եմ, որ Ձեր վերընտրվելը որպես Երեւանի քաղաքապետ նոր շունչ կհաղորդի Երեւանում ժամանակակից եւ կայուն բիզնես-միջավայրի ձեւավորմանը:

Ռուսաստանի հայերի միությունը իր աջակցությունն է հայտնում Հանրապետական կուսակցությանը եւ անձամբ Ձեզ:

Հարգանքներովՙ