ՉԵՄՊԻՈՆՆԵՐԸ ՈՐՈՇՎԵՑԻՆ Մայրաքաղաքի խուլերի եւ համրերի միավորման մարզապալատում վերջնագիծը հատեց Հայաստանի ազատ ոճի ըմբշամարտի պատանեկան առաջնությունը, որի պարգեւները վիճարկեցին 280 պատանի ըմբիշներ: Ըստ քաշային կարգերի հանրապետության չեմպիոններ հռչակվեցին Նաիրի Ղարսայանը (42 կգ), Հայկ Բադալյանը (46 կգ), Վահե Մատինյանը (50 կգ), Գեւորգ Թադեւոսյանը (54 կգ), Աշոտ Վելիցյանը (58 կգ), Հակոբ Ավետիսյանը (63 կգ), Տիգրան Մնացականյանը (69 կգ), Սարգիս Հովսեփյանը (76 կգ), Ռազմիկ Պողոսյանը (85 կգ) եւ Մերուժան Նիկոյանը (100 կգ): Առաջնության արդյունքներով կկազմավորվի Հայաստանի ազատ ոճի ըմբշամարտի պատանեկան հավաքականը, որը կնախապատրաստվի հունիսին Չեռնոգորիայում կայանալիք Եվրոպայի առաջնությանը: |
