ՊԵՏՐՈՍՅԱՆՆ ՈՒ ՄԵԼՔՈՒՄՅԱՆԸ ՇԱՐՈՒՆԱԿԵՑԻՆ ՀԱՂԹԱՐՇԱՎԸ Ալբենայի շախմատի մրցաշարի 6-րդ տուրում աղյուսակը գլխավորող Տիգրան Պետրոսյանն ու Հրանտ Մելքումյանը հաղթանակներ տոնեցինՙ ամրապնդելով առաջատարի դիրքը: Տիգրանը հաղթեց առաջատարներից մեկինՙ Սանդրո Մարեկոյին, Հրանտը պարտության մատնեց Պրասանա Վիշնուին: Հայ շախմատիստները Վլադիսլավ Նեւեդնիչնու հետ 5,5-ական միավորով գլխավորում են աղյուսակը: 4,5 միավորով 14-րդ տեղում է Ավետիք Գրիգորյանը, որը հաշտություն կնքեց Ջայրամ Աշվինի հետ: Գրիգոր-Սեւակ Մխիթարյանն էլ ոչ-ոքի խաղալով Ռոբերտո Մոլինայի հետ, վաստակեց 4,5 միավոր: Նույնքան միավոր ունի նաեւ ռուսաստանցի պատանի շախմատիստ Դավիթ Պառավյանը: | 
