«ԱՆՄԱՀՆԵՐԸ» ՊԱՏՄԱԳՐԱԿԱՆ ԱՇԽԱՏԱՆՔՆԵՐԸ ՊԱՏԿԵՐԱԶԱՐԴ ԺՈՂՈՎԱԾՈՒ Հ. Ծ. Ամերիկայի Հայկական գրադարան-թանգարանը (ALMA), Հայ կանանց միջազգային ասոցիացիան (AIWA), եւ Հայկական ուսումնասիրությունների եւ հետազոտությունների ազգային ասոցիացիան (NAASR) համատեղ ջանքերով մայիսի 12-ին կազմակերպել են միջոցառում, որի ընթացքում գրող Ալիս Նավասարգյանը կներկայացնի իր նորագույն «Անմահները: Պատմագրական աշխատանքների պատկերազարդ ժողովածու» հատորը (The Immortals: A Pictorial Anthology of Historiographic Works): Միջոցառումը տեղի կունենա Ամերիկայի հայկական գրադարան-թանգարանում: Տիկին Նավասարգյանը կներկայացնի հայկական պատմության նշանավոր դեպքերի եւ դեմքերի մասին պատմող իր հատորը, որն իր նախորդ երկու «Ոսկե կամուրջներ: Իրան-Հայաստան» (1997) եւ «Բեմի հայ կանայք» (1999) գրքերի նման կուռ կառուցվածք ունի: Ալիսը ծնվել է Թավրիզում (Իրան), Մինասյանների ընտանիքում: Պատմություն եւ հայագիտություն մասնագիտությամբ ավարտել է Սպահանի համալսարանը: | 
