ԼԵՎՈՆ ԱՐՈՆՅԱՆՆ ԱՆԴՐԱՆԻԿ ՀԱՂԹԱՆԱԿԸ ՏՈՆԵՑ Նորվեգիայում ընթացող շախմատի մրցաշարի 2-րդ տուրում Լեւոն Արոնյանը սպիտակներով մրցում էր առաջատարներից մեկի` Հիկարու Նակամուրայի հետ: Երկարատեւ պայքարից հետո Արոնյանը 70-րդ քայլին հաղթանակ տարավ ու վաստակելով 1,5 միավոր, հանգրվանեց 2-րդ տեղում: Սերգեյ Կարյակինը հաղթելով Յոն Լյուդվիգ Համերին, 2 միավորով գլխավորեց աղյուսակը: Վան Հաոն պարտության մատնեց մյուս առաջատարին` Պյոտր Սվիդլերին, որն ունի մեկ միավոր: Տուրի կենտրոնական պարտիան աշխարհի առաջնության եզրափակիչ առաջիկա մրցախաղի մասնակիցներ Մագնուս Կառլսենի եւ Վիշվանաթան Անանդի մրցավեճն էր: 59-րդ քայլին մրցակիցները խաղաղ դաշն կնքեցին: Առաջին կես միավորը վաստակեց Թեյմուր Ռաջաբովը, որը հաշտություն կնքեց Վեսելին Թոփալովի հետ: Այսօր կկայանան մրցաշարի 3-րդ տուրի հանդիպումները: Լեւոն Արոնյանը սեւերով կխաղա Պյոտր Սվիդլերի հետ: | 
