ՖՐԱՆՍԻԱՅՈՒՄ «ՄԱԿԴՈՆԱԼԴՍԸ» ՏՈՒԳԱՆՎԵՑ ՀԱՐԿ ՉՎՃԱՐԵԼՈՒ ՀԱՄԱՐ Պ. Ք. Ֆրանսիայի հարկային իշխանությունները ամերիկյան արագ սննդի «ՄակԴոնալդս» ցանցի տեղական մասնաճյուղից 300 մլն եվրո են պահանջում հարկեր չվճարելու պատճառով: Այդ մասին հաղորդում է LExpress շաբաթահանդեսը: Այդ գումարից 100 միլիոնը կազմում են տույժերը, իսկ մնացյալը չվճարված տուրքերն են:Իշխանությունները իրենց պահանջների մասին «ՄակԴոնալդսին» ծանուցել էին 2015 թ. տարեվերջին, գրում է հանդեսը: Ֆրանսիայի ֆինանսների նախարարության տվյալներովՙ «ՄակԴոնալդսը երկրի տարածքում ստացած շահույթը բարդ սխեմայով փոխանցել է Լյուքսեմբուրգի եւ Շվեյցարիայի մասնաճյուղեր: 2014 թ. LExpress-ը հաղորդել էր, որ «ՄակԴոնալդսի» ֆրանսիական մասնաճյուղը օֆշորային սխեմաների միջոցով հարկումից թաքցրել է 2,2 մլն եվրո: 2009-ից սկսյալ այդ գումարից չէր վճարվել ԱԱՀ եւ շահութահարկ: Իրավապահ մարմինները խուզարկություններ էին կատարել «ՄակԴոնալդսի» ֆրանսիական կենտրոնակայանում: «ՄակԴոնալդսը» 2009 թ. Լյուքսեմբուրգում բացել էր McD Europe Franchising ընկերություն, որը իր հերթին մասնաճյուղեր էր բացել Իլինոյսում եւ ժնեւում: Մշակված սխեմայի շնորհիվ լյուքսեմբուրգյանընկերությունը հարկ էր վճարում 1,85 տոկոսի չափով, մինչդեռ Ֆրանսիայում նրա միջոցները կհարկվեին 33,3 տոկոսի չափով: 2014 թ. տվյալներով, «ՄակԴոնալդսը» Ֆրանսիայում ունի 1300 ռեստորան: Ֆրանսիական ցանցի նախահարկային հասույթը 2012 թ. կազմել է 4,35 մլրդ եվրո: Դիկ եւ Մակ ՄակԴոնալդ եղբայրները իրենց առաջին ռեստորանը բացեցին 1940 թ. Սան-Բեռնարդինոյում (Կալիֆոռնիա): Ներկայումս նրանց արագ սննդի ցանցը ռեստորանների թվով աշխարհում երկրորդն է Subway ցանցից հետո: | 
