ՄԱՐՏԻ 1-Ի ԷՋԸ ՓԱԿՎԱԾ ՉԷ Մ. Խ. 2008 թվականի մարտի 1-ին ողբերգական իրադարձությունների ժամանակ տեղի ունեցած 10 սպանությունները շատերի կարծիքով այդպես էլ մնացին չբացահայտված: Երեկ այդ առթիվ արտահայտվել են խորհրդարանականները: Մարտի 1-ի Էջն իրավական առումով փակված չի համարել ՀՀԿ խմբակցության ղեկավար Գալուստ Սահակյանը, չնայած, ըստ նրա, այն փակված է քաղաքական առումով: Սակայն նա վիրավորական է համարում, որ կան քաղաքական շրջանակներ, որոնք քաղաքական գործիքի են վերածում այդ դժբախտությունը: ՕԵԿ խմբակցության ղեկավար Հեղինե Բիշարյանը երեկ նշեց. «Ես ոչ դատավոր եմ, ոչ դատախազ, ես չեմ կարող որեւէ մեկին մեղադրել: Եղել են բախումներ, եղել են զոհեր: Համապատասխան մարմինները զբաղվել են դրանով, համապատասխան մարդիկ դատապարտված են»: Հանցագործության չբացահայտվելն անհասկանալի է համարել ՀՅԴ ներկայացուցիչ Արմեն Ռուստամյանը` նշելով, թե պատմության այդ էջը ծանրացած է բոլորի վրա: |
